Un novo ano remataron as vacacións de verán. Toca regresar ás aulas e poñerse mans á obra para acadar os obxectivos deste curso. Ademais, conseguiches chegar a 6º. Foi un loooongo camiño para chegar ata aquí, ata o remate da Primaria. Un último esforzo e o ano vindeiro xa serás un alumno/a de Secundaria.
Seguro que este curso será fantástico. Hai moito que repasar, bastante que aprender, e moitas actividades que realizar. Sabes (e eu tamén) que es quen de sacar moi boas notas ao final. Se o consigues, este ano a recompensa será unha fantástica excusión. Así que pagará a pena o esforzo.
Remataron as vacacións, sí. Mais comezan uns meses que serán inesquecibles. Os profes sabemos que traballarás moito e estaremos aquí para axudarte.
Hoxe, deixar atrás a Primaria está un pasiño máis cerca.
